Сергей Гаврильевич Огонеров сырдык кэриэһигэр 
“Түмсүү- сайдыы төрдө”  спорт араас көрүҥнэригэр ыытыллар хамаанданан күрэхтэһии. 
Муус устар 1 күнүгэр Тыараһа нэһилигэр “Россия үөрэҕириитин бочуоттаах үлэһитэ”, “СР үөрэҕириитин туйгуна”, “Учууталлар учууталлара“,“Старшай учуутал”, “Саха сиригэр физкультура уонна спорт сайдыыта 90 сылынан”, “Таатта улууһугар физкультура уонна спорт сайдыытыгар кылаатын иһин” бэлиэлэр хаһаайына, физическэй культура уонна спорт бэтэрээнэ Сергей Гаврильевич Огонеров сырдык кэриэһигэр нэһилиэк олохтоохторо, оскуола үөрэнээччилэрэ, Тыараһаттан төрүттээх Дьокуускайга, улууска, республика араас муннугар олорор Тыараһаттан төрүттээх биир дойдулаахтарбыт кыттыылаах спорт араас көрүҥнэригэр хамаанданан күрэх ыытылынна. Спорт араас көрүҥнэригэр илин кэлин түсүһэн бэрт сэргэх, тыҥааһыннаах киирсиилэр буоллулар.  
Уопсай 4 команда кыттыыны ылла
1.Тыараьа орто оскуолатын үөрэнээччилэрин хамаандата, 
2.Дьокуускай куоракка олорор биир дойдулаахтарбыт, 
3.Даайа Аммата, Ытык Куел , Кыйы холбоьуктаах хамаандата,
4. Тыараһа нэһилиэгин олохтоохторун хамаандата.
8 көрүҥҥэ тыҥааһыннаах киирсии түмүгүнэн
1 миэстэни Кыйы 1кы хамаандата, 
2 миэстэни Кыйы 2с хамаандата,
3 миэстэни орто оскуола үөрэнээччилэрин хамаандата
4 миэстэни Дьокуускайтан сылдьар биир дойдулаахтарбыт хамаандата.
Кыайыылаахтар, анал ааттар сыаналаах бириистэринэн наҕараадаланнылар, 
Киэһэ «Алгыс” норуот айымньытын дьиэтигэр “Эҕэрдэ эһиэхэ бар дьоммутугар” - Тыараһа нэһилиэгин, ону тэҥэ нэһилиэктэн төрүттээх  талба талааннаахтарын кэнсиэрэ буолла.
Кэнсиэри талааннаах ыччаттарбыт Уолбаттан Иван Беляев, Алексей Аржаков, Дьокуускайтан Николай Мордовской кэлэн киэргэттилэр.