Таатта улууһун Тыараһа нэһилиэгиттэн 8 киһиттэн турар "Кылыһах" народнай фольклорнай ансаамбыл Казань куоракка  ыытыллыбыт «Казань лучезарная» норуоттар икки ардыларынааҕы куонкуруска кыттан, фольклор секциятыгар "Орто дойду айыллыыта" композициянан 1 степеннээх Лауреат, ырыа секциятыгар норуот ырыатынан 1 степеннээх Лауреат аатын ылан, үөрүүбүт үрдээтэ, санаабыт саргыланна. 

Балаҕан ыйыттан бэлэмнэнэн, таҥас-сап тиктэрэн, инструмент оҥотторон, ох курдук оҥостон, Россия араас регионнарыттан кэлбит 100-тэн тахса айар куттаах коллективтар кыттар түһүлгэлэригэр сахабыт ырыатын-тойугун дуораччы ыллаан, тойугун доллоһутан, олоҥхотун иһитиннэрэн, чабырҕаҕын чаҕаарытан, хомуһун дьүрүһүтэн, оһуохайын оройуттан тутан (композиция 6 жанртан турар) дьүүллүүр сүбэ үрдүк сыанабылын ыллыбыт.

Маннык ситиһии кэлиитигэр кыттыгастаах бар дьоммутугар, "Кылыһах" ансаамбыл олугун уурбут наставниктарбытыгар, улууспут культуратын салалтатыгар, чуолаан куонкуруска кыттарга көҕүлээбит