.Алтынньы 19 күнүгэр  Л.Н.Турнин аатынан «Алгыс» норуот айымньытын дьиэтигэр  айар сезонун арыйар ону тэҥэ дойду үрдүнэн бүрүүкээбит уустук кэмҥэ быстах хомуурга барбыт биир дойдулаахтарбытыгар  көмө буолар сыаллаах «Күн киһитэ көмүскэс, айыы киһитэ аһыныгас»  ылбаҕай ырыа кэһиилээх, кэрэ үнкүү киэргэллээх айар киэһэ, аһымал акция кэнсиэр  ыытылынна. Кыттыыны ыллыллар  «Кылыһах» фольклорнай бөлөх, «Алаас Күбэйэ» , «Далбарай», «Мичийэ» үҥкүү бөлөхтөрө,  “Алгыс”, «Айыҥат», «Сир симэхтэрэ»,  орто оскуола  вокальнай бөлөхтөрө, “Тиэхэ-бэтиэхэ” көр-күлүү бөлөҕө  уонна нэһилиэкпит талба  талааннаах ылбаҕай ырыаһыттара. 

Аһымал кэнсиэргэ уопсайа 19 000 харчы киирдэ.Киирбит үп туһааннаах дьон анал счеттарыгар туттарыллыа.
Бу киэһэ кэлэн кыттыыны ылбыт айар бөлөхтөрбүтүгэр, талааннаах дьоммутугар-сэргэбитигэр, күндү көрөөччүлэрбитигэр барҕа махталбытын тиэрдэбит.
Куруук бу курдук түмсүүлээх буолуохха, бары бииргэ буоллахпытына барытын кыайарбытын умнумуохха........