Муус устар ый 2 күнүгэр сандал сааһы уруйдуу, тымныы кыһыны атаара
«Эҕэрдэ эйиэхэ сандал саас» кыһыны атаарыы ыытылынна.
Араас көрдөөх-нардаах оонньуулар, сүүрүүлээх көтүүлээх спортивнай күрэхтэр, атыы-эргиэн дьаарбаҥката, ону тэҥэ “Сааскылаана Куо” кыргыттарга аналлаах күрэх. Биирдиилээн кыттааччыларга “Блиныттан блюдо” астааһына, “Частушка” ырыа, тэрилтэлэр икки ардыларыгар “Булчут кутаатын тула”  күрэхтэр ыытылыннылар.
Бу күн ытыктабыллаах ыалдьытынан сырытта Саха Өрөспүүбүлүкэтин правительствотын передседателин 1кы солбуйааччыта Кирилл Евгеньевич Бычков. 
Нэһилиэк олохтоохторун ылбаҕай ырыаларынан киэргэттилэр: Федора Собакина, Аделина Бочонина, Иван Говоров, Полина Слепцова. 
Түөлбэлэр икки ардыларыгар “Сааскылаана Куо” кыргыттарга аналлаах күрэххэ: Кэскил түөлбэттэн  Карина Сабарайкина, Илин эҥэр түөлбэттэн  Лилия Чехченнонова, Саһарҕа түөлбэттэн  Женя Игнатьева, Моростоон түөлбэттэн  Айгылаана Алексеева. Күрэх түмүгэр “Сааскылаана Куо” ааты ылла Карина Сабарайкина.
“Булчут кутаатын тула” тэрилтэлэр икки ардыларыгар ыытыллыбыт күрэххэ ОДьКХ коллектива кыайда.
Бары кыттыыны ылбыт дьоммутугар махталбытын тиэрдэбит.