Тыараһа нэһилиэгэр Улуу Кыайыы 78 сылын бэлиэтээһин үрдүк тэрээһиннээхтик буолан ааста. Бары тэрилтэлэр, ветераннар, оскуола оҕолоро парадтаан, бөһүөлэк киин уулуссатынан Кыайыы скверигэр диэри хааман кэллилэр. Ытык дьоммутугар, сэрии сылын оҕолоругар оскуола үөрэнээччилэрэ бэйэлэрэ оҥорбут аккырыыккаларын, тыыннаах гвоздика сибэккини бэлэх ууннулар. Нэһилиэк талааннаах дьоно биир дойдулаахпыт, буойун-поэт И.Эртюков хоһоонноругар олоҕурбут “Саллаат санаата” диэн театрализованнай концерт көрдөрдүлэр.